Egypt tan dollar tld 12 loan pek remti

International Monetary Fund (IMF) chuan kum thum chhungin Egypt tan dollar tluklehdingawn 12 loan pek a remti.

Hun rei tak tualchhung buaina an tawh avanga sum lama an harsatnate chinfelna turin loan hi Egypt tan pek a ni dawn a, a tirah dollar tluklehdingawn 2.75 pek a ni phawt ang a, a dang chu a hnathawh dan azirin a tahtawla pek a ni ang.

Kum 2011-a President aṭanga Hosni Mubarak paihthlak a nih hnu aṭang khan Egypt tualchhung dinhmun hian ngai a la awh thei lo a, kum nga kalta chhung hian a sum lakluhna pui ber, tourism
aṭanga a sum hmuh chu a tlahniam nasa hle. Sum dinhmun siamṭhat tumin sorkar chuan ramdang sumdawngte hip luh tumin a bei reng a ni.

Sum indaih lohna avagin sorkar pawhin chhiah lak ṭhin chu 3% in a tisang tawh a, nitin khawsakna atana mamawh hrang hrang leh fuel mante pawh a tipung bawk.