Ethiopia-ah mi 11,000 man tawh

Ethiopia rama emergency puan a nih hnuah mi 11,000 chuang man an ni tawh.

Ethiopia rama hnam lian pahnih, Oromo leh Amahar hnamten sorkar laka lungawi lohna lantira nawrh an huaihawtnaah tharum thawhna te a chhuah avangin sorkar chuan thla hmasa khan emergency hi a puang a ni.

Emergency puan hnua man zinga a tam ber hi Oromo leh Amhara biala chengte a ni. An mi mante hi tan-in parukah dah a ni a, an zingah hian hmeichhia 347 an tel.

Nikum aṭanga tualchhung buaina chhuak vang hian mi 500 chuang an thi tawh a, mi tam tak chu himna zawngin an tlanchhe bawk.

Octoter 9 khan thla ruk atan ram pumah emergency puan a ni a, an ram khawpui Addis Ababa-ah chuan mobile internet service leh social media-te block a ni bawk. Emergency hnuaiah hian eptu party te khuahkhirhna siam a ni a, curfew puan a nih bakah, diplomat-te chu sorkar phalna nei loin an ram khawpui aṭanga km 40 aia hlaa an zin chhuah khap a ni bawk.