SKorea President thu zawtfiah dawn

South Korea prosecutor-te chuan an ram president, Park Geun-hye-i chu tunkar chhung hian tunhnaia politics lama thil dik lo a ti nia puh chungchangah thu an zawt fiah dawn.

President Park-i hian sorkar inrelbawl leh policy siamna kawngah sorkar anihna pawimawh nei lo, a ṭhian ṭha tak pakhat Choi-i chu a inrawlh tir a, hei bakah hian Choi-i hian President nen an in-
ṭhianṭhatna chu a mimal hlawk nan a lo hmang
ṭangkai nia sawi a ni bawk. President hian Choi-i enkawl, foundation pahnih tan pawl leh company
ṭhenkhat hotute chu sum pe turin a nawr nia sawi a ni a, hei hi prosecutor-ten an chhui chiang mek a ni.

Prosecutor-te chuan Hyundai Motor leh Korean Air Lines chairman-te chu thu an zawtfiah tawh a, Samsung Group leh company dang hotute pawh thu zawhfiah leh an tum bawk.

Inrinni khan Seoul-ah mi tam takin kawng zawhin, President Park-i chu president ni tlak loa puhin bang turin an phut. Eptute hian kar thum chhung chu kar tawpah President bang tura phut hian kawng an lo zawh tawh a ni. Kar kalta Inrinni-a kawng zawh hi mi 850,000 vel an tling niin a huaihawttute chuan an sawi.