Moscow-Pyongyang inkarah thlawhtheihna thlawh tir

Russia chuan Pathianni aṭang khan an ram khawpui, Moscow leh North Korea khawpui, Pyongyangg inkarah khualzin phur thlawhtheihna a thlawh tir. Thla khata vawi khat thlawh tir ṭhin a tum.

Pathianni khan Russian airline, Norrdwingd chuan Moscow-a Sheremetyevo airport aṭangin khualzin 400 chuang phurtu thlawhtheihna hi a tir a ni. Moscow-Pyongyang inkar hi darkar riat chhung an thlawk a ni. Vawiin hian Pyongyang aṭangin Moscow panin a thlawk leh ang.

Russia foreign minister Sergey Lavrov chuan tun htla tir lama North Korea hotu, Kim Jong-un hmu tura NKorea rama a zin ṭum khan, NKorea-a Wonsan-Kalma beach resort chu tlawh tura Russia khualzinte a chah tur thu pawh alo sawi tawh a ni. He resort hi tourism tih changtlunna tura an siam, an hawn thar a ni a, mahse Russia tih loh ram dang khualzinte tan erawh an la hawng lo.

North Korea leh Russia inlaichinna hi a ṭha chho hle a, nikum khan defence lama thawh dunna tur inremna pawh an lo ziak tawh. Russia-in Ukraine a beihnaah pui turin NKorea hian sipai ṭhahnem tak a lo tir tawh bawk.