Thailand leh Cambodia-in inkahhai puang

Thailand leh Cambodia chuan Thawhṭannia Malaysia rama inbiakna an neihah, ramria ram inchuha an inbeih mekna inkahhai puang tura inremna siamin, Thawhṭanni zanlai aṭang khan inremna hi an hmang ṭan. Inkahhai puanna tura inremna an siam dan kimchang erawh puanzar a ni lo.

Inkahhai puan a nih aṭanga rei lote hnu, nimin zing khan Thailand chuan Cambodia chu inremna siam hi bawhchhiaah a puh zui nghal. Thailand sipaite chuan Thawhṭanni zanlai aṭangin Cambodia an beih an ti tawp nghal a, mahse Cambodia sipaite chuan nimin zing thleng khan hmun eng emaw zat aṭangin an la rawn kap chhunzawm niin an sawi. Mahse Cambodia defence ministry chuan inkahhai puan a nih aṭangin ram pahnih sipaite inkahna thleng a awm tawh lo tih a sawi thung.

Inremna an lo siam tawh angin nimin zing khan ram pahniha local commander-te chuan meeting an nei a, inkahna tih tawp vek an remti. Ramria sipaite pawh koh kir ve ve an remti a ni.