ICJ-in Rohingya-te venghim turin Myanmar hriattir

The Hague-a Interna­tional Court of Justice (ICJ) chuan Myanmar sorkar hnenah an rama Rohingya Muslim-te tihhlum leh suat an ni tur laka veng tura a rang thei anga hma la turin a hriattir.

Judge 17 awmna panel, Judge Abdulaqawi Ahmed Yusuf kaihhruai chuan Gambia-in Myanmar chuana rama hnam tlem zawk, Rohingya Muslim-te suatin, 1948 Genocide Convention a bawhchhiat nia thubuai a thehluh chu an ngaihtuah a ni. 

ICJ chuan hun eng emaw chen Gambia thubuai theh­luh hi a ngaihtuah hnuah, Myanmar chuan Rohingya te dikna chanvo chu nasa takin a tihchhiat sak niin a sawi a ni. Court chuan Myanmar chu Genocide Convention zawm tur leh, a thuneihna hmanga dik lo taka Rohingya-te chunga thil thlengte veng tura theihtawp chhuah turin a ti. A sipaite'n an mihringpuite tihhlum leh suatna an thlen lohna tura hma la turin Myanmar chu a hriattir a, hei bakah hian insuatna thleng nia sawi chungchanga finfiahna awmte tihchhiat tumte pawh dang turin a ti bawk.