Russia-ah Krasheninnikov tlangkang invawrh chhuak

Russia khawchhak lam, Kamchatka Peninsula-ah kum 600 chhunga a vawi khatna atan nimin khan Krasheninnikov tlangkang nasa takin a invawrh chhuak. Meter 6,000-a sang thlengin vut sa a vawrh chhuak a ni.

Krasheninnikov tlangkang thlen hnuhnun ber chu kum 1550-ah niin, lir nghing na tak thlen hnua thleng a ni. Hei vang hian nimina tlangkang thleng leh pawh hi kar liam taa Petropavlovsk-Kamchatsky bula magnitude 8.8-a naa lir nghingin a nghawng nia rin a ni.

Kar liam taa Russia rama lir nghing vang hian Pacific huam chhungah tsunami a thleng a; Japan, Hawaii leh Ecuador-ah tuipui kama chengte insawn chhuah tir an nih phah a ni. Lirnghing hian Russia-a Severo-Kurilsk khuaah chhiatna nasa tak a thlen bawk.