US-ah Covid-19 kai mi mtd 1 chuang tawh

United States-a Covid-19 kai zawng zawng chu nimin thleng khan mi 1,035,765 an tling tawh a, he hri vanga thi hi mi 59,266 an awm tawh.  Khawvel pumah hri kai hi mi maktaduai 3.11 an tling tawh bawk a ni. 

US hi khawvela Covid-19 hri kai tamna ber leh he hri vanga thi tamna ber ram a ni mek a ni. US-a state zingah New York-ah hian hri kai hi an tam ber a, he khawpuiah hian mi 845,000 chu test tawh niin, heng zinga mi 291,996 chu hri kai an ni tih finfiah a ni. New York-ah hian hri vanga thi hi mi 22,668 an awm tawh bawk a ni.   

New York dawtah hian New Jersey a hri kai hi an tam ber a, he state-a hri kai hi mi 111,188 an awm tawh a, chung zinga mi 6,442 te chu he hri vang hian an thi a ni. State dang Massachusetts, Illinois, California leh Pennsylvania-te pawh telin he hri vanga thi hi mi 40,000 an chuang tawh bawk. 

US-a hri kai hmasa ber hi January 20 khan hriat chhuah a ni a, Wuhan aṭanga rawn haw a ni. He hri vanga US-a thihna thlenna hmasa ber chu February 6 khan a ni a, hmeichhia kum 57 mi a thi a, a hnu February 17 khan kum 69 mi mipa a thi leh bawk a ni. 

4Germany-ah hri kai thar mi 1,304 awmin hri kai hriat tawh hi mi 157,641 an awm a, mi 6,115 in an thihpui tawh a ni. 

4France ramah coronavirus vanga thi  mi 24,000 an tling tawh. Mahse hri kai thar zat hian ziaawm lam a pan avangin lockdown pawh thlahdul dan tur an ruahman ṭan tawh a ni. 

4Spain ramah nimin khan hri vanga thi mi 301 an awm a, hri kai thar leh thi zat hi an tlahniam zel a ni. 

4 Netherlands-ah hri kai 38,416 an awm tawh a, mi 48 in an thihpui tawh bawk. 

4Thawhlehni kha Czech Republic-ah kar ruk chhunga hri kai thar an tlem ber ni a ni. 

4US chu khawvela Covid-19 kai tamna leh  hri vanga thi tamna ber ram a ni. 

4Mexico-ah hri kai thar 1,223 an awm. Mexico City-a private hospital lian pangate chuan Covid-19 kai hi enkawlin, an damdawiin an khat vek tawh a ni. 

4Peru-ah hri kai hi 30,000 an tling tawh a, mi 854 an thi tawh bawk. 

4Brazil ramah hri vanga thi chu 5,000 an chuang tawh a, Thawhlehni khan mi 474 in an thihpui a ni. 

4Mainland China-ah hri kai thar hi Nilaini khan 22 an awm. 

4Thailand-ah hri kai thar mi pakua an awm bawk. 

4India-ah hri kai zat hi 300,000 an tling hnai tawh a, Asia ram zinga China dawta hri kai tamna a ni. 

4Australia chuan test kit mak­taduai 10 neiin, test runpui neih a tum. 

4Iran-ah Thawhlehni khan Covid-19 vangin mi 71 an thi. 

4Egypt-ah hri kai thar 260 awmin, min 22 in an thihpui tawh a ni. 

4International Monetary Fund chuan Nigeria ṭanpui nan dollar tluklehdingawn 3.4 pek a remti. 

4Malawi sorkar chuan mi mak­taduai khat vel hnena ṭanpuina sum pekna tur a duang. He ṭanpuina dawng thei chhungkaw tinte chu thla tin Malawi kwacha 35,000 pek an ni ang.