Myanmar sipaite chet dan chhui chiang turin phut

United Nations spe-cial rapporteur on human rights in Myanmar, Yanghee Lee chuan Rakhine leh Chin state-a Myanmar sipaite chet dan chu chhui chian a phut thu nimin khan a sawi. 

Yanghee Lee chuan Myanmar sipai, Tat­madaw tia sawi bawkte chuan hel pawlten inkahhai puan an rawtna chu an ngaihsak duh lo niin a sawi a, an ram khawthlang lam state pahniha hian beihpui thlak chhunzawmin, mipuite tawrhna nasa tak an thlen reng a ni, a ti. 

Lee hian United Na­tions special rapporteur on human rights hna kum ruk a thawh hnuah a ban thu a puang a bawk a ni. Myanmar sipaite chu international humanitarian law leh human rights zawm loah a puh a, Rakhine leh Chin state-a civil mite lakah pawikhawihna an thlen tih a sawi. 

Arakan Army leh helpawl pahnihte chuan Covid-19 vangin April thla chhung atan sorkar sipaite nena inkahhai an puan thu an sawi tawh a, mahse sipai lam chuan hei hi pawm sak loin, a hmaa sorkar nena inremna an lo siam tawh pawh helpawlte hian a ngai pawimawh tawk lo  niin an puh. Hei vang hian hel lakah beihpui an thlak chhunzawm a ni.