Denmark zoo-in an ran vulh duh tawh lote pe turin ngen

Denmark hmarlama awm, Aalborg Zoo chuan mipuite hnena an ran vulh zinga an enkawl duh tawh lohte chu sahuana sakeibaknei leh sakeite ei tura thawh turin a ngen.

Sahuana enkawltute chuan ar, sazupui leh guinea pig nung lai thawh tura ngenin, training nei ṭha staff-ten ramsa ei tur hian an lo buaipui zui dawn tih an sawi. Hemi bakah sakawr pawh an pawm tel tih an sawi.

Ran thawh tur hi mi pakhatin vawi khatah pali aia tam lo an thawh thei dawn a ni. Sakawr thawh tur pawhin horse passport an neih a ngai a, sakawr chu a hma ni 30 chhung dam lohna nei lo a ni tur tih a ni bawk. Sakawr thawhte hi sakawr dang an vulha chhiah an chawi chu tihhniam sak an ni ang.