Malaysia-ah Cambodia leh Thailand defence official-te inbia

Cambodia leh Thailand official-te chu nimin khan Malaysia-ah inbiain, ramri bula ram inchuh avangin ni nga an inkah hnuah inkahhai an puan hnua inremna ngelnghet siamna tur tihfel an tum.

July thla tawp lama an inbeihna avang khan ramri hrula cheng mi 43 an thi a, mi nuai thum chuang chuan an chenna hmun an tlanchhiatsan bawk. Ni nga an inkah hnuah US president Donald Trump-a'n inkahhai an puan loh chuan ram pahnih lakah chhiah sang zawk lakah a vau hnuah inkahhai an puang ta a ni.

Nimin khan Kuala Lumpur-a Malaysia Armed Forces headquarters-ah Cambodia drfence minister Tea Seiha leh Thailand acting defence minister Nattaphon Nakrphanit te inbiain, kum tam tak chhung ramria buaina an neih tawh chinfel a nih theih dan tur kaihhruaihna siam a, ram pahnih sipaite inrintawnna a awm leh theihna turte an ngaihtuah dawn tih Nattaphon chuan a sawi.