Ghana-a helicopter tlaa thi zingah minister pahnih an tel

Ghana ramah Nilaini khan mi pariat chuanna sipai helicopter a tla a, a chuangte an thi vek. Thi zingah hian an ram defence minister leh environment minister an tel.

Helicopter hi Nilaini zing khan an ram khawpui, Accra aṭangin hmar thlang lam, Ashanti biala Obuasi pana thlawk a ni a, chin hriat loha an awm hnuah Adansi bialah helicopter tla hi hmuh a ni. A tlak chhan hriatchian a la ni lo a, chhui mek a nih thu sipai thuchhuah chuan a tarlang.

Chetsualna thlengah hian defence minister Edward Omane Boamah leh environment minister Ibrahim Murtala Muhammed bakah rorellai party, National Democratic Congress-a vice-chair leh National Security Adviser pawh an tel a ni.