US-ah Pakistan sipai hotu a zin

Pakistan chief of army staff (COAS) Field Marshal Asim Munir chu U.S. CENTCOM Commander General Michael Kurilla thlahna hun hmannaa tel turin nimin khan US ah a zin a, thla hnih chhunga US a tlawh vawi hnihna a ni.

June thla khan Munir hian US tlawhin, White House-ah US president Donald Trump nen chaw chhun ei dunin darkar hnih an inkawm. Civilian leader tel loa President Trump nen an inkawm hi mak tih pawh a hlawh hle. Trump hian firfiakten India-a Pahalgam an beihna avanga India leh Pakistan inkar buaina nasa zawk thleng thei chu Munir hian a bengdai thei nia sawiin a fak hle a, 'nuclear war' thleng thei tur danna kawngah tha a thawh ṭha hle niin a sawi.

United States Central Command (CENTCOM) chuan Commander General Michael Kurilla thlahna hun, Florida-a hman turah tel turin Munir hi a sawm a ni. Kurlilla hian July thla khan Pakistan a lo tlawh tawh bawk a, ram pahnihten defence lama an thawh dunna thuam chakna tur kawng khat atan Pakistan chuan chawimawina, Nishan-e-Imtiaz (military) award a lo hlan a ni.