US-ah Covid-19 hri kai tam ber ni thleng leh

US-a health thuneitute chuan kar liam ta Inrinni khan darkar 24 chhungin Covid-19 hri kai thar mi 2,77,000 chuang an awm thu a tarlang a, hei hi US-a ni khat chhunga hri kai tam ber ni a ni.

US government scientist Anthony Fauci chuan Krismas chawlh lai khan zin vei vak an tam thu a sawi a, chuvang chuan hri inkai darhna a thlen nasat phah nia a lan thu leh, January thla chu hri kai thar an tam a rin thu a sawi.

US hi nikum kum laihawl vel aṭang tawh khan khawvela Covid-19 hri kai tam berna leh he hri vanga thi tam berna ram a la ni reng a, nimin thlenga hri kai tawh zat hi mi maktaduai 20.4 an awm tawh a ni. Heng zinga mi 3,50,000 chuan hri hi an thihpui tawh bawk.