ASEAN palaiten Myanmar tlawh dawn

Myanmar sipai sorkarin state of emergency a hlih tak avangin Association of Southeast Asian Nations (ASEAN) palaite chuan thla thar hian Myanmar an tlawh dawn.

Malaysia foreign minister Mohamad Hasan chuan ASEAN chair hna chelh mek, Malaysia kaihhruaiin ASEAN palai kal turah hian Indonesia, Thailand leh Philippines foreign minister-te an tel dawn tih sawiin, September 19-a kal an tum thu a sawi.

Myanmar sipai hotu, Min Aung Hlaing chuan kar liam ta khan state of emergency puan chu titawpin, an ram inthlanpui chu kumin December thlaah neih a nih tur thu a puang a ni. Mahse, eptu pawlte chuan inthlan hi boycott an tum thu ansawi a, UN expert te pawhin inthlan neih tur hi sipai thuneihna tihnghehna leh chhunzawm theihna tur mai niin an ngai bawk.

Mohamad chuan ASEAN palaite chuan inthlan neih tur chungchang chu an sawipui dawn a, a rintlakin a felfai dawn em tihte pawh sawipui a duh thu a sawi. Hmun 63 chu state of emergency hnuaiah an la awm reng a ni tiin, heng hmunte hi inbeihna hmun bakah, sipai sorkar dodaltu pawlte thununna hnuaia awmte an ni.