Turkey-ah lirnghing vangin in 16 a chim

Turkey ram hmar thlang lam, Balikesir province-ah Pathianni zan khan magnitude 6.1-a nain lir a nghing a, in 16 a chim. In chim hian mi pakhat a delh hlum a, mi 29 an hliam bawk.

Disaster management agency chuan an ram huna zan dar 7:53-ah lir hi a nghing a, an ram khawpui Instanbul-ah pawh a nghing tel a ni. In chimte hi Sindirgi khawpui leh a bul vela mi niin, in chim hnuai aṭangin mi eng emaw zat chhan chhuah an ni. Magnitude 6.1-a a nghin hnuah aftershock hi vawi 20 vel a thleng leh a ni.

Turkey ram hian linghing an tuar fo a, kum 2023 February thla khan an ram chhim chhak lamah magnitude 7.8-a naa lir nghing vangin mi 50,000 chuang an thi. He hmunah vek hian kumin July thla tir lam khan magnitude 5.8-a nain a nghing leh a, mi pakhat thiin mi 69 an hliam.