Melania Trump-i'n Hunter Biden a thusawi sut turin phut

US first lady Melania Trump chuan president hlui, Joe Biden-a fapa, Hunter Biden-a'n sex trafficker Jeffrey Epstein nena a sawi zawm dan chu sut turin a phut a, a thusawi hi a sut lo a nih chuan khinah a vau.

Hunter Biden hian British journalist Andrew Callaghan-a'n a kawmnaah, Epstein hian Donald Trump hnenah Melania hi a hmelhriattir a ni a, an inzawmna pawh a thuk hle ang, tiin a sawi. Melania lawyer, Alejandro Brito chuan Biden-a thusawi chu thu dik lo, intihhmingchhiat tumna leh thil mawi lo tak a nih thu a sawi. Biden-a'n Melania Trump chungchang a sawi hi social media leh media outlet lamah a darh nasa hle a, a hming pawh a hliau phah hle a ni, a ti. Biden hian a interview-naah hian Democratic Party-a mi pawimawh leh mi dangte pawh a sawisel tel bawk.

President Trump leh first lady-te hian kum 1998-a New York Fashion Week party neihnaah modeling agent, Paolo Zampolli-a'n a inhmelhriat tir thu hi a hma pawhin an lo sawi tawh ṭhin a ni.