London-ah Zelenskyy leh Starmer inhmu

US president Donald Trump leh Russia president Vladimir Putin-te Alaska, US-ah an ram huna Zirtawpniah an inhmu dawn tih tihchian a nih hnuin, Ukraine president Volodymyr Zelenskyy leh UK prime minister Keir Starmer-te chu Ningani khan London-ah an inhmu.

Downing Street-a Ukraine leh UK hruaitute meeting-ah hian US president Trump leh Russia president putin te inbiakna neih turah Putin chuan remna leh muanna a awm a duh tak tak chuan hmasawnna a awm ngei an beisei tih an sawi.

Trump leh Putin-te hi kum ruk hnua hmaichhana inbiakna an neih lehna hmasa ber tur a ni. A hmain ram pahnih aiawhte chu ṭum hnih an lo inbe tawh a ni. Trump leh Putin-te hian meeting neih zawhah joint press conference an neih beisei a ni bawk. Meeting-ah hruaitute pahnih bakah an ṭawng lettute chauh an tel dawn a ni. Trump hian Ukraine a do titawp turin Russia hi a nawr a, thla hmasa khan inremna siam turin ni 50 chhung hun a pe a ni. Hun tiam chhunga inkahhai puanna tur inremna a siam loh chuan Russia ram hrekna na zawk siamah leh, Russia bungrua leitute lakah chhiah sang zawk lakah a vau.