Myanmar tan-inah innghaisakna a thleng nasa : Investigator

United Nations thlawp international independent investigator, Nicholas Koumjian chuan Myanmar ram a zirchianna report a tihchhuahah, nikum chhung khan tan-in hrang hrangah innghaisakna a nasa hle tih a sawi. Electric-shock, pawngsual rawn leh taksa peng halsakte pawh a thleng tih a sawi.

Koumjian leh a team-te hian nikum June 2024-June 2025 chhunga an thil hmuh chhuahte hi tarlangin, tan-in hrang hranga innghaisakna rapthlak tak tak thleng ṭhinah hian mita hmutute ngei pawh an kawm tih an tarlang. Rakhine state-a sipaiten Rohingya hnam an beih dante chhui chian leh an tum tih an sawi bawk. Kum 2017-a sipaiten Rohingy laka beihpui an thlak avang hian mi nuai sarih chuang chu bangladesh-ah an tlanchhe tawh a, nikuma Arakan Army-ten Rakhine an lak hnu khan mi 70,000 vel an tlanchhe leh bawk.

Independent Investigative Mechanism on Myanmar hian kum 2018 aṭang khan Human Rights Council hnuaiah Myanmar rama intihnawmnah leh mihring dikna chanvo palzut a nih dante a zirchiang a ni.