SKorea President-in NKorea ramria sipai chet lakna ṭhenkhat titawp dawn

South Korea president Lee Jae Myung chuan North Korea nena an inkar siamṭhat tumin hma a la zel a, NKorea-a sipai chet lakna ṭhenkhat chu tihtawp a nih tur thu Zirtawpni khan a puang.

President Lee chuan Korea ram pahnihte inrinaa sipai hmalakna ṭhenkhat tihtawpna tur, September 19 Comprehensive Military Agreement tia an sawi chu a hmang chhunzawm leh dawn tih a sawi. He inremna hi kum 2018-a summit an neih ṭuma an siam a ni a, mahse, ramria an inepna nasa chho zel avangin an hmang chhunzawm ta lo a ni.

Lee chuan hun rei tak Korea ramte boruak chhe tak an neih dun chu ram pahnih mipuiten an hlawkpui lo ve ve tih sawiin, an inkara tihpalh thila buaina chhuak ṭhin venna leh sipaite inrintawnna a awm lehna turin inremna an lo siam tawh chu an hmang leh dawn tih a sawi. President hian a hmain ramria NKorea lam hawia aurinna dah leh, acitivist-ten NKorea sawiselna thuziak daha balloon an chhuah ṭhinte pawh a lo tihtawp tir tawh bawk.