China-ah Covid-19 hri kai thar 33 hmuh belh

China National Health Commission chuan nimin khan Chinese mainland-ah Covid-19 hri kai thar mi 33 chu Pathianni khan hmuh belh an nih thu a tarlang a, heng zinga mi 20 chu ramdang aṭanga lut an ni.

Commission chuan hri kai thar hmuh zinga paruk chu Liaoning-a tualchhung inkaihdarhna aṭanga hri kai an nih thu a tarlang a, Hebei aṭangin mi pali, Beijing aṭangin pahnih leh Heilongjiang aṭangin pakhatin an kai tih  a tarlang bawk.

China-ah hian hri kai thar hi awm mah se hri vanga thi erawh report a awm lo thung a ni. Pathianni khan Chinese mainland-ah hian hri kai damdawi-in aṭanga chhuak mi 17 an awm. Pathianni thleng khan ramdang aṭanga China-a lut Covid-19 hri kai chu mi 4,323 an awm tawh a, heng zinga mi 4,037 chu damdawi-in aṭanga chhuah tir tawh an ni. Mi 286 chu damdawi-ina la enkawl chhunzawm zel an ni thung.

Pathianni thlenga China-a Covid-19 hri kai tawh zawng zawng hi mi 87,150 an ni a, an zinga  82,105 chu enkawl dam an ni tawh. Hri la kai mek hi 411 an awm a, he hri vanga thi hi mi 4,634 an awm tawh bawk.