Sweden-ah Covid-19 hri chi dang kai pali an awm

UK leh South Africa ram aṭanga Covid-19 hri chi dang hmuhchhuah chu, Pathianni khan Sweden-ah kai mi pali an awm.

Hri kai thar zinga pathum chu UK-a VUI-202012/01 hri kai an ni a, pakhat chu South Africa rama 501Y.V2 hri kai a ni thung. Hemi chungchangah hian Sweden infectious disease doctor Maria Rotzen Ostlund chuan hri kai tharte chu an hriat velah dahhran an nih nghal thu sawiin, mithiamten enkawl dan tura ruahmanna an siamte chu zawm nghal a nih thu a sawi.

Sweden-a region 12-ah VUI-202012/01 hri kai mi 11 an awm tawh tih state epidemiologist Anders Tegnell chuan a sawi. Kar liam ta Zirtawpni khan Sweden rama Covid-19 hri kai tawh zawng zawng chu mi 4,37,379 an awm tawh tih Sweden's Public Health Agency chuan a tarlang a, heng zinga mi 8,727 chu he hri vang hian an thi tawh a ni.