Iraq hruaituten ramdang sipai chhuak turin duh
Iraq hruaitute chuan an rama ramdang mi sipai awmte chu chhuak tura an duh thu, US-in drone hmanga an rama Shiite militia senior commander pahnih a thah champhaah an sawi.
Baghdad-a al-Tahrir Square-ah Pathianni khan Hashd Shaabi forces thlawptu mi 1,000 chuang chuan rally an nei a, he hunah hian Iraq sorkar chuan an rama ramdang mi sipai lachhuak se an duh thu an sawi; a bikin US sipaite lakchhuah an phut bik tih an tarlang.
Nikum January 3 khan Iran general leh Iran's elite Quds Force hotupa, Qasem Soleimani chu Baghdad international airport bula motor-a a chuang lai chu drone missile hmangin US sipaiten an kap hlum a ni. Hemi tuma thi zingah hian deputy chief of Iraq's paramilitary Hashd Shaabi forces Abu Mahdi al-Muhandis pawh a tel.
Pathianni khan Baghdad-a al-Tahrir Square-ah Qasem Soleimani leh Abu Mahdi al-Muhandis hriatrengna hun hman a ni a, he hunah hian kalkhawmte chuan an rama US sipai awm chu an duh tawh loh thu an sawi a, an rama ngialnghehna chu ramdang sipai kutah ni loin Iraq kuta innghat a nih thu an tarlang.
Qasem Soleimani an thah chhan hi United States Department of Defense chuan thuchhuah siamin December 31, 2019 Thawhlehnia Iraq khawpui Baghdad-a US embassy Iraqi Shia paramilitary group Kata'ib Hezbollah-te'n an beihna a thlawp vang niin a tarlang.