Nigeria-a lawng chesualah chin hriat lohin mi 40 awm

Nigeria ram hmar thlang lam, Sokoto state-a tupuiah Pathianni khan mi 50 chuanna lawng a chesual a, nimin thleng khan lawnga chuang zinga 40 te chu an chin hriat a la ni lo.

Lawng hi state chhunga ei tur zawrhna bazar, Goronyo market pana kal a ni a, mahse chesualin a let ta a ni. National Emergency Management Agency (NEMA) chuan chhan chhuah hna thawktute tirh nghal niin, mi 10 te chu him taka chhan chhuah an nih thu a sawi. Chin hriat loha awmte zawn hna hi thawh chhunzawm a ni.

NEMA chuan lawng chetsual chhan hi a phurh tur tawka bituk aia tam a phurh vang nia a lan thu an sawi. Hetiang vang hian Nigeria-ah lawng chetsualna hi a thleng fo a ni.