Trump-a'n India mi Associate Judge atan nominate

US president kalchhuak tur Donald Trump chuan Indian-American advocate Vijay Shanker chu District of Columbia Court of Appeals-a Associate Judge atan a nominate.

Senate-in Trump nominate hi a pawm chuan Shanker hian John R Fisher a thlak dawn a ni. John R Fisher hi Associate Judge hlui a ni a, a hmun ruak hnawhkhat tur hian Trump chuan Shanker a nominate ta a ni. District of Columbia Court of Appeals hi Washington DC-ah chuan court rorelna sang ber a ni

Nikum June thla khan Trump chuan Shanker hi a lo nominate tawh bawk a ni. Shanker hi Department of Justice, Criminal Division leh Deputy Chief of the Appellate Section-a Senior Litigation Counsel ni lai mek a ni. Kum 2012-a Department of Justice a zawm hma hian Shanker hi Washington DC-a Mayer Brown, LLC and Covington, Burling leh LLP hnuaia office-ah a thawk ṭhin a ni. 

Shanker hian Duke University aṭangin bachelor degree a hmu a, University of Virginia School of Law aṭangin Juris Doctor nei turin a zirchhuak bawk.