Libya military school beihnaah mi 28 thi

Libya khawpui, Tripoli-a military school chu Inrinni khan beih a ni a, mi 28 an thi a, midang eng emaw zatin hliam an tuar. 

Health ministry thu­puangtu, Amin al-Ha­shemi chuan military school hi thlawhtheihna aṭanga beih a nih thu leh, parade ground-a cadet awmkhawmte chu kah an ni tih a sawi. Military school hi khawpui chhunga residential sector, al-Hadba al-Khadra a awm a ni. 

Kum 2011-a NATO thlawpnaa dictator Moamer Kadhafi paihthlak a nih hnu khan Libya hian tualchhung buaina a tawk chho reng a ni. A bikin Tripoli chhim lam bialah chuan nikum April thla aṭang khan inbeihna a thleng fo a ni.