UN Security Council member thar pangaten an hna ṭan

United Nations Security Council (UNSC)-a non per­manent member thar India, Mexico, Ireland, Norway leh Kenya chuan Thawhṭanni khan hna an thawk ṭan.

Kumin January 1 khan heng member panga thlan thar te hian an hna an ṭan a, mahse Thawhṭanni khan a tak takin hna an thawk ṭan chiah a ni. Heng ram pangate hian Belgium, Dominican Republic, Germany, Indonesia leh South Africa ramte an thlak a ni.

UNSC-a non permanent member hi kum 2 term a ni a, thlan tlin ni tur hian vote tla hmun thum aṭanga hmun hnih hmuh phak a ngai a ni. UNSC-ah hian non permanent member 10 an awm a, kumtinin member panga thlan thar ziah a ni a, non permanent member hi geographical representation-a ṭhen a ni. 

Africa leh Asian ram aṭangin panga thlan chhuah tur an ni a, Eastern Europe aṭangin pakhat, Latin American aṭangin pahnih leh Western Europe leh ramdang aṭangtein ram pahnih thlan chhuah an ni ṭhin. United Nations Security Council hi UN six organ zinga pawimawh ber nia sawi a ni. UNSC-ah hian member nghet, permanent member hi panga an awm a, chungte chu US, UK, Russia, France leh China an ni. 

Thlan thar baka non perma­nent member nilai mekte chu Estonia, Niger, Saint Vincent and the Grenadines, Tunisia leh Vietnam-te an ni.