Mexico President-in WikiLeaks founder political asylum pek a tiam

Mexican President Andres Manuel Lopez Obrador chuan WikiLeaks founder Julian Assange chu Thawhṭanni khan political asylum an pe dawn tih a sawi.

Julian Assange hi British judge chuan rilru lamah buaina a neih avangin US sorkar hnenah a hlan thei lo tih an lo puang tawh a, Thawhṭanni zingah khan Andres Manuel Lopez Obrador chuan thuthar thehdarhtute kawmin Mexico Foreign Affairs Ministry chu hemi chungchangah hian British official-te a rang thei ang bera biaa, political asylum chungchang hi sawipui tura a tih dawn thu leh Assange chu ngaihhnathiam tura a ngen dawn thu a sawi.

Obrador chuan England hmalakna chu fakawm a nih thu sawiin Assange chu journalist a nih angin chance pek leh a phu hle niin a sawi a, an ramah chuan an lo himhim dawn tih a sawi a ni. US sorkar lam chuan an ram sipai thurukte a khawih chiangpena a hailan avangin Assange hi man an duh a, hemi avang hian London-a Ecuador embassy-ah kum sarih dawn chu humhimna pek a ni tawh.

British sorkar chuan embassy pawn lama hmuh a nih chuan man a ni dawn tih sawiin, an ram aṭanga him taka a chhuah an phal dawn lo tih an lo sawi tawh a ni.