Botswana ramin public health emergency puang

Botswana president Duma Boko chuan an ramin damdawi supply lama indaih lohna nasa tak a tawh mek avangin Thawhṭanni khan public health emergency a puang.

Ministry of health and wellness chuan private health faciliy leh supplier-te lakah USD mtd 75 vel an batsak tawh avangin damdawi supply a khaihlak thu an lo sawi tawh a, hei bakah US-in ṭanpuina sum a pek a tihtawp bawk avangin damdawi lam indaih lohna hi an tawk mek a ni. Natna hrang hrang, a bikin hypertension, cancer, diabetes, tuberculosis, asthma, mental leh sexual health lama damdawi an mamawh ang an nei lo a, inzai ngai tam tak pawh tihkhawtlai a ni bawk.

Ministry of finance chuan emergency fund aṭangin damdawi mamawh zual leina turin USD mtd 18.7 a pawm a, heng damdawi sem chhuah hna hi sipaiten an enpui dawn a ni.

Botswana-ah hian mi mtd 2.5 vel an cheng a, khawvela diamond siam chhuaktu lian ber ram zingah a tel. Mahse, kum eng emaw chen aṭang khan diamond hralh chhuah hi a hma an pha tawh lo a, US-in chhawmdawlna a pek a titawp bawk nen sum indaih lohna nasa tak an tawk chho mek a ni.