Nigeria-a biak in beihnaah mi panga an thi
Nigeria rama Postikum khuaah Pathianni khan Kristian biak-in neih a ni a, mi panga an thi.
Yobe state-a Potiskum khuaa Redeemed Christian Church of God ah hian thih chilh bomb tihpuah a ni a, bomb tipuaktu bakah puithiam, hmeichhe pakhat leh a fate pahnih an thi a ni.
Eng pawl mahin biak-in beitu an nih thu hi an la sawi lo a,mahse Isamist helpawl Boko Haram-te tih nia rin a ni. Boko Haram-te tun hnaiah Potiskum khuaah hian pawikhawihna an thlen fo a ni.
Nimin khan Jos khawpuia Mosque leh Muslim restaurant-ah bomb pahnih tihpuah a ni bawk a, mi 44 an thi a, mi 67 in hliam an tuar. Yantaya Mosque-ah hian Ramadan thla serh hmanga pungkhawm an tam laiin bomb hi tihpuah a ni.