Ted Cruz campaign-in dollar mtd 51 a tuak chhuak tawh
Kum 2016-a US President thlanna neih tura Republican candidate chuh tumtu zinga mi, Senator Ted Cruz leh amah thlawptute chuan thla thum chhungin dollar maktaduai 51 chuang an tuak chhuak tawh.
Cruz hian March 23 khan Virginia state-a Lynchburg-a Liberty University-ah party candidate chuh tum thu hi a puang a ni. Pathianni-a thuchhuah an siamah, amah thlawptute chuan thla thum chhungin a campaign-na atan hian dollar maktaduai 51 hi an thawh niin a sawi.
Cruz-a campaign-na atana sum thawhtu hi mi 175,000 an tling a, an thawh zat hi chawhrualin mi pakhatin dollar 81 zel thawh ang an ni.
Kar hmasa khan Democrats candidate chuh tum zinga la langsar ber, Hillary Clinton-i campaign chuan April thlaa candidate chuh a tum thu a puan aṭang khan dollar maktaduai 45 chuang a tuak chhuak tawh tih a tarlang bawk.