Thamna laa puh Russia economy minister man

Russia Economy Minister Alexei Ulyukayev chu thamna sum tam tham tak laah puh a ni a, man a ni.

Russia anti-corruption body, Investigative Committee chuan Ulyukayev hian thamna sum, dollar matkaduia hnih zet a dawng niin a sawi. Kum 1991 hnu lama Russian official man zinga ranking sang ber a ni.

Investigative Committee thupuangtu, Svetlana Petrenko-i chuan minister-in thamna sum a dawng lai hi man a nih thu a sawi a, thubuai siamsak a ni thuai dawn tih a sawi bawk. Thiam loh chantir a nih chuan kum 8-15 chhung tan tir theih a ni ang.

Minister hian Russia sorkar hnuaia oil company lian, Rosneft-in nikum October thlaa dollar tluklehdingawn 5-a oil company dang, Bashneft-a neitu nihna 50% a leinaah thamna hi a dawng a ni.