Egypt-in ni nga chhung Gaza ramri hawng dawn

Egypt sorkar chuan Gaza ramri, Rafah border chu Thawhṭanni aṭang khan ni nga chhung atan a hawng.

Gaza border crossing thuneitute chuan thu≠chhuah siamin, ramri hi lehlam lehlamah hawn tawn a ni dawn tih an sawi. Hemi chhung hian zirlai, damlo leh foreign residence permit neite chu ramri an kaltlang phalsak an ni ang. Rafah crossing kaltlang tum in register hi mi 20,000 vel an tling tawh.

Kum 2007 aṭang khan Israel chuan Gaza Strip kalpawhna hi a kharsak a ni. Gaza hian rampawn lama inkalpawhna tur, border crossing pasarih a nei a, heng zinga paruk chu Israel thununna hnuaiah a awm a, Rafah crossing hi Egypt in a thunun thung. Mahse kum 2013-a sipai chakna hmanga Egypt President Mohamed Morsi paihthlak a nih hnu khan ramri hi hun tam zawk a khar tawh a ni.

Kum 2015 khan Egypt thuneitute chuan Rafah crossing hi ni 21 chhung chauh an hawng a ni.