France-in kum 128 hnuah Malagasky lal luruh pe kir

France chuan kum zabi 19 hunlaia France sipaiten an lu an tansak, Malagasky lal King Toera luruh chu Madagascar ram hnenah a pe kir. Hei bakah luruh dang an kawl pahnih pawh an pe kir bawk.

Kum 2023 khan France chuan ram dang aṭanga an hawn, mihring taksa peng an kawl pek kirna tur dan hi a siam a, he dan hnuaiah hian luruh a kawlte hi a pe kir a ni. Luruh pathum a pek kirte hi King Toera luruh bakah, France sipaite an lu an laksak tho te Sakalava hnam mi pahnihte luruh niin an sawi.

King Toera hi kum 1897-ah France sipaiten a lu an tansak a, a lu bung hi France ramah an hawn a, Paris-a national history museum, Musee de l'Homme ah dah a ni. He museum-ah hian luruh leh ruhro dang tam tak dah a ni a, tam tak hi ram dang aṭanga an hawn a ni.

Kumin April thlaa France president Emmuel Macron-a'n Madagascar khawpui, Antananarivo a tlawh khan France-in rawng taka Madasgascar a lo awp ṭhinna avangin ngaihdam a dil. Madagascar hian kum 60 chuang France-in a awp hnuah kum 1960 khan independence a puang a ni. France-in luruh pathum a pek kir hi an phum dawn tih an sawi.