China victory parade neih turah Kim Jong-un leh Putin tel dawn

China-in kar leha military parade, Victory parade an neih turah North Korea hruaitu Kim Jong-un leh Russia president Vladimir Putin ten an telpui dawn tih sorkar media chuan a tarlang.

Victory parade hi Indopui II-naa Japan a tlawm leh, indo tawp lawmna atana Chin-in a buatsaih ṭhin a ni. Kumina parade neih turah hian ram 26 hotute an tel dawn a, khawthlang lam hruaitu tam zawk erawh an tel dawn lo. Kim hi kum 1959 hnua NKorea ram hruaitu zingah China military parade neihnaa tel hmasa ber tur a ni ang.

Beijing-a Tiananmen Square-ah military parade hi minute 70 chhung neih a ni dawn a, China hian a ralthuam neih thar berte a pholan rin a ni; aircrat, tank leh anti-drone system te pawh a pholan a rinawm a, khawthlang ramte pawhin an ngaihven hle.