Trump-a'n WeChat pay leh Chinese app-te khap

US president Donald Trump chuan Thawhlehni khan WeChat pay leh Chinese app pariat-te chu an rama khapna turin executive order a sign. 

Executive order hi ni 45 chhung hman a ni dawn a, khap tur zingah hian payment platform Alipay, encent QQ, CamScanner, SHAREit, VMate, WPS Office leh QQ Wallet-te pawh a tel. Heng app khap a nih chhan hi China sorkar chuan app hmangtute information a nei ru thei nia ngaih vang a ni.

Nikum August 6 khan US president Donald Trump kaihhruai sorkar chuan thupek tichhuakin, Chinese apps TikTok leh WeChat-in US digital network a thlunzawmna a neih zawng zawng chu ni 45 hnua titawp vek turin a lo hriattir a, heng app kaltlang hian US mi personal data chu China chuan a hre thei nia an rin vangin khap an lo tum tawh a ni.