Afghanistan leh Taliban-in inbiakna nei

Hun rei tak aṭanga lo inti thiam lo tawh Afghanistan leh Taliban firfiakte chuan inremna zawngin vawi tam inbiak an lo tum tawh a, mahse Thawlehni aṭang khan inremna zawnga inbiakna an nei. 

Thawhlehni khan Qatar khawpui Doha-ah Afghanistan sorkar aṭanga palaite leh Taliban firfiakte chuan inbiakna an nei ṭan a ni. Taliban lam hian Afghanistan sorkar hi US puihnaa kalah an puh a, hei vang hian Afghanistan sorkar hi an lo sawisel fo tawh ṭhin a ni. Kum 2019-a President atana thlan Ashraf Ghani kha an duh lo hle a, US nena thawk dun niin an puh bawk. 

US president hlui George W. Bush hunlai, kum 2001 September 11 khan Al-Qaida firfiakte chuan World Trade Centre chu thlawhtheihna hmanga beiin an tichhia a, a hunlaia Al-Qaida firfiak hotu Osama bin Laden chu US chuan man tumin hma a la zui nghal a ni. Bin Laden an zawnna kawnga pui a, lo man turin Taliban-te hnenah US chuan a hriattir a, mahse Taliban lam hian Bin Laden chu US beihnaah a tel ngei em tih finfiahna an phut thung a, hei vang hian US chuan Taliban firfiakte hian Al-Qaida firfiakte hi an thawhpuiah a ngai a ni.

Nikum February 29 khan US leh Taliban firfiakte hian inremna an lo nei tawh a kha inremnaah khan Afghanistan-a US sipai lak chhuah a nih theih nana hmalakana te pawh a tel a ni.