Georgia-a Senate inthlanah mi hang Raphael Warnock chak

Mi hang Democrat Raphael Warnock chu nimin khan Georgia state-a senator pahnih zinga pakhat ni tura a thlan tlin a ni a, he state-a mi hang senate member ni thei hmasa ber a ni bawk.

Warnock hian a khingpui Republican senator ni lai Kelly Loeffler chu a luahlan dawn ta a ni. Martin Luther King Jr pawhin Pathian thu a lo sawi tawhna Atlanta church-ah hian kum 15 chhung Warnock hi pastor a lo ni tawh a ni.

Kum 51 mi Warnock hi chhungkaw rethei tak aṭanga seilian a ni a, a nu kum 82 mi chuan vote tlakna hmunah a fapa chu Unites States senator a nih theih nan vote a thlak ve ṭang ṭang a ni, tiin Warnock chuan a nu a fakna thu a sawi. Georgia state-a senator pakhat la thlan tur hi vote chhiar mek a ni a, Republican David Perdue leh Democrat Jon Ossoff ten senate member nih an inchuh mek a ni.

United States senate hi upper chamber/house tih a ni a, United States constitution Article 1 hmanga din a ni. US-ah hian state 50 a awm a, heng state tinah hian senator pahnih zel an awm.