House Speaker nominee atan Paul Ryan thlang nawn

US House of Representatives-a Republican member-te chuan House Speaker Paul Ryan chu Speaker dinhmun chelh chhunzawm zel thei turin, party nominee atan lungrual takin an thlang.

House GOP conference neihah thutlukna hi puan a ni. Winconsin lawmaker, kum 46 mi Paul Ryan chuan a thawhpuiten House Speaker atana an nominate leh chu a tan thil lawmawm tak a nih thu a sawi.

Nakkum January 3-a law maker thlan tharte lakluh an nih hunah, Democrats leh Republicans member-te chuan chamber speaker tur hi an thlang dawn a ni. Mahse House-ah hian Republican-in majority an neih avangin Ryan hi a tlin leh ngei rin a ni.

Democratic party lam chuan party chhung lamah duhdan a in an loh avangin, House speaker atana an party nominee tur thlan hun hi November 30-ah a sawn hla a ni. Democrats House Speaker ni lai hi kum 76 mi, Nancy Pelosi a ni. Mahse he dinhmun hi Ohioa lawmaker, kum 43 mi Tim Ryan-aín chuh ve a tum dawn nia sawi a ni.

Paul Ryan chuan President thlan dawna campaign laiin an party candidate, Donald Trump chu ṭum eng emaw zat sawisel mah se, President atan thlan tlin a nih hnuah a thlawp tlat tur thu a sawi. News conference a neihah Ryan chuan, ìKan ram mipui 70% zet chuan America chu kawng dik lo hawiin a tlahniam niin an ngai. Mahse tunah chuan kawng ṭha zawk an duh tih an sawi tawh a ni. Hei hi kan hna a ni a, hnunglam hawi loin hmalam kan thlir a ngai a niî, a ti. President-elect Donald Trump chu nitin deuh thaw a bia tih a sawi bawk.