IS firfiakten Iraq sipai thlawptu civil mi 21 that

Islamic State (IS) firfiakte chuan Iraq sipaiten Mosul khua lak let tuma beihpui an thlak mekah, sipaite ṭanpuitua puh civil mi 21 an tihlum.

IS hian civil mi an tihhlumte ruang hi kawtthlerah dah chhuakin, midangte chu sipaite thawhpui lo tura vauna atan an hmang zui a ni.

Mosul khua lak let tum hian Iraq sipai, Kusdish peshmerga leh Shiíite fighter mi nuaikhat vel chuan beihpui an thlak mek a, khawpui hi hmun hrang hrang aṭangin an hual a, chung lamah US kaihhruai
ṭangrual ramten an lo pui bawk.

IS hian kum 2014 aṭang khan Iraq hmarlama khawpui pawimawh, Mosul khua hi an la a, khawpui chhungah ro an rel zui a ni. He khuaa chengte chuan IS hian an mi thatte hi an chhungten an ruang an hlawm pawh phalsak loin, thlan lian tak an siamah an paih mai zel niin an sawi. October 17-a Iraq sipaite leh an thurualpuiten beihpui an thlak ṭan hma khan, he khuaa cheng civil mi eng emaw zat chu firfiakte hian manin an chhui chiang a ni. An mi mante hi an kahhlum loh leh, kawng dangin an tihlum ṭhin.