Michelle Obama chungchang post vangin US mayor a bang

US First Lady Michelle Obama chungchang chu Facebook-ah deusawh taka post a ni a, hei vang hian West Virginia-a Clay khaw mayor Beverly Whaling-i chu a bang.

Michelle Obama hi ëape in heelsí tiin Ramsey Taylor-i chuan a Facebook-ah a post. He thu hi US President atana Trump thlan tlin a nih hnua a post a ni a, White House-ah First Lady hmelṭha leh zahawm tak a awm tur chu thil lawmawm tak a nih thu sawiin, Michelle Obama hmuh reng chu a nin tawh thu a ziak. Michelle Obam sawi nan hian Ape (zawnglian) tih hi a hmang a ni. He thu post hi Whaling-i hian lo comment-in a thlawp thu a lo sawi.

Mahse a hnu lawkah Whaling-i comment hi delete a ni a, Taylor-i Facebook page pawh hi tihtawp a ni zui bawk. Ramsey-i pawh hi a thu post avang hian a hna aṭanga ban a nih tawh thu Clay County Development Corp chuan a sawi. Clay hi West Virginia state-a khaw te tak te, mi 500 aia tlem chenna a ni.