China-in Hubei-ah punkhawm khap

China sorkara thuneitute chuan nimin khan Covid-19 hri lo chhuahna Hubei province-ah zin luh/chhuah leh punkhawm an khap.

Nilaini khan January 5-a Chinese mainland-a hri kai hmuhchhuah thar zinga mi 23 chu Hubei province-a mi an ni a, heng zinga hri kai hmuhchhuah 20 chu tualchhunga inkaichhawng an nih thu thuneitute chuan an tarlang. Hubei-ah hian Covid-19 hri kai thar mi 40 chuang an awm mek a ni.

China-ah hian Covid-19 hri kai mi 87,215 an awm tawh a, heng zinga mi 82,138 chu enkawl dam tawh niin, he hri vang hian mi 4,634 an thi tawh a ni.