Myanmar aṭangin Rohingya Muslim-te tlanchhia

Myanmar sipaiten Rohingya Muslim-te chenna, Rakhine state-a beihpui an thlaknaah mi 130 vel an thi tawh a, chenna in tam tak hal a ni bawk. Rohingya mi tam tak chu Bangladesh lamah an tlanchhia nia sawi a ni.

Rakhine state hi Bang-ladesh ramri bula awm a ni a, thla hmasa khan ramri-a border post beih niin police pakua an thi. Police-te chuan pawikhawihna thlentute hi Rohinyga-te niin an puh a, hei vang hian Rakhine state-ah sipai eng emaw zat tirh luh nghal an ni. Sipaite an luh hnu hian Rakhine bialah hian chhawmdawl hna thawktute leh independent observer-te luh phalsak an ni tawh lo. Foreign reporter-te luh phalsak an nih loh bawk avangin sorkar lam report chuan Rohingya mi ṭhenkhat chuan security force-te chu an bei zui niin a sawi a, security force zingah thi pawh an awm a ni, a ti.

Kum 2012-a Buddhist leh Muslim inkara buaina nasa tak thleng vanga Rohingya tlanchhia zinga mi nuai khat vel chu camp-ah an la khawsa mek a ni.