Indonesia police-te'n Jakara governor puhna chhui chiang dawn

Indonesia police-te chuan Muslim sakhua sawichhiaah Jarkara Governor Basuki Tjahaja Purnama puh a nih chungchang chu an chhuichiang dawn.

Kumin September thlaa thu a sawiah, Kristian governor Purnama hian Koran-a chang pakhat chu a khingpuiten amah beihna atan an hmang niin a puh a ni. Hei vang hian Muslim group-te chuan an sakhua sawichhiaah puhin governor lakah hian complaint an thehlut.

November thla khan Muslim mi nuai khat vel chuan nakkum February thlaa Jakarta governor thlanna neih turah, Purnama hi thlang nawn tawh lo tura voter-te ngenin kawng an zawh.

Purnama an puhna hi court-ah ziahluh a nih a, thiam loh chantir a nih chuan kum nga thleng lung-in tantir theih a nih bakah, an ram a chhuahsan khapsak a ni bawk ang. Indonesia ramah hian sakhaw paruk pawm a ni a, hei bakah hmanlai rindan zawmtu pawl eng emaw zat an awm bawk.

Governor chuan sakhaw dang sawichhia puhna chu a dik lo tih a sawi a, mahse a thusawi avang chuan thupha a chawi thung. Nakkuma Jakarta governor thlanna neih turah pawh chuh leh ngei a tum thu a sawi.