Hungary MP-te'n ramri hung an remti
Hungary Parliament chuan an rama pemlutte tana khuahkhirhna dan khauh zawk a siam bakah, dan loa lut ṭhinte venna atan a ramri hung a remti bawk.
Dan an siam thar hnuaiah hian Hungary-a pem lutte chu temporary camp-a dah lailawk te, an rama inhumhimna diltute dilna ennawn leh theihna leh, a dil thei zat tur bithliah phalnate telh a ni. He dan hi UN leh human rights group hrang hrangte chuan an sawisel nghal.
Hungary ramah hian kuminah pem lut leh, inhumhimna dila lut an pung nasa hle. Sorkar chuan June thla thleng khan pem tum mi 54,000 an lut tawh tih a sawi a, kum 2014 khan kumtluana lut chu mi 43,000 an ni.
Thawhṭanni khan Parliament chuan awlsam takin bill hi a pass a, a thlawptu lamah vote 151 tlain, a duh lo lamah vote 41 a tla.
Sorkar thupuangtu, Zoltan Kovacs chuan Hungary sorkar hian Serbia, Macedonia, Bulgaria leh Greece-te chu ram himah a ngai tawh tih a sawi. Hei vang hian heng ram aṭanga an rama inhumhimna dila luh tumte chu chu hnar an ni thei dawn a ni.