Khawvela mipa upa ber a thi

Khawvela mipa upa bera puan, Japan mi Sakari Momoi chu nimin khan a thi.

Momoi hi kum 112-a upa a ni.

Kum 1903, February thla khan Japan khawchhak lam, Fukushima bialah a piang a, a pian kum hi teddy bear siamchhuah kum a ni.

Kum 2014, August thla khan khawvela mipa dam lai zinga upa bera puan a ni a, a dam rei chhan chu ei tur ṭha a ei vang leh a mut tam vang tiin a sawi.

Khawvela mihring damlai zinga upa ber chu America mi, Susannah Mushatta Jone a ni a, kum 116 a tling tawh a ni.