Iraq sipaite'n Baghdah an bomb palh

Iraq sipaite chuan tih­palh thilin an ram khaw­pui, Baghdad khaw­chhak lam an bomb.

Sipaite bomb thlak hian Baghdad khawchhak lama chenna-in eng emaw zat a tichhiat bakah mi pariatin an thih phah bawk.

Sipaite chuan Russia siam, Sukhoi jet hmanga Islamic State (IS) firfiakte laka beihpui an thlak zo, Baghdad-a an kir chu thlawhtheihna khawl lama harsatna a awm avangin khawpui chunga an thlawh laiin bomb pakhat hi a tla ta niin an sawi.

Security thupuangtu, Brigadier General Saad Maan chuan, "Firfiakte beihnaah hian bomb thlak tur pakhat chu khawl lam fel loh avangin a tang tlat a, mahse Baghdad khawpui lama an kir hnuah thlawhtheihna aṭang hian a tla ta a ni," a ti.