Confederate flag lak thlakna tur bill pass

US-a South Ca­ro­lina Senate chuan an state khaw­pui, Co­lumbia State House-a Confe­de­rate flag intar lak thlak­­na tur bill a pass.

June thlaa Char­­leston khuaa mihang biak-in beih a nih ṭuma mi pakua kah­hlum an nih hnu khan, mi hrang hrangin Confe­derate flag hi chi inthliarna leh mihang sala chhawr­na thlawpna lantir­naah ngaiin lak thlak an phut a ni. Hetih­lai hian mi ṭhenkhat chuan he flag hi US chanchin lan­tirnaah ngaiin lak thlak an duh lo thung.

Senate-in bill a pass hi House of Re­pre­­sentative-ah ngaih­tuah a ni leh ang a,pass turin member hmun thum­a ṭhena hmun hnihin an thlawp a ngai ang. Hemi hnu hian governor hnena a pawmpuina la tura thawn theih a ni tawh ang.

Confederate flag hi American Civil War laia chhim lam state-te'n indona flag atana an hman a ni. Chhim lam state-te hi mihang sala chhawr tihbo tumna duh lotu lam an ni a, hei vang hian an flag hman pawh hi chi inthliarna lantirtu angah mi tam takin an ngai a ni.