Afghanistan-ah lirnghing vanga thi 1,400 tling tawh

Afghanistan rama lirnghing vanga thi chu mi 1,400 an tling tawh a, hliam 3,000 chuang an awm niin Taliban sorkar thupuangtu, Zabihullah Mujahid chuan a sawi.

Pathianni zana magnitude 6.0-a naa lirnghing vangin province hrang hrangah chhiatna nasa tak a thleng a, in tam tak a chim bawk. Lirnghing tuarte chhan chhuah leh chhawmdawl hna hi thawh chhunzawm mek a ni.

Taliban sorkar chuan hmun tlawhpawh harsa deuha awm, hliam tuarte chu helicopter hmangin an hruai chhuak a, helicopter ṭum theih lohna hmunah pawh ṭanpui hna thawk turin commando-te tirh an ni.

Britain chuan chhiatna thleng tuarte ṭanpuina turin USD mtd 1.35 a pe a, hei hi United Nations Population Fund (UNFPA) leh International Red Cross (IFRC) te sem an ni ang. India pawhin lirnghing tuar khaw hrang hranga chengte tan ei tur ton 21 a thawn bawk.