Jamaica inthlanah PM Andrew Holness party chak leh

Jamaica ram inthlanpui, September 3, 2025-a neihah prime minister Andrew Holness kaihhruai rorellai, Jamaica Labour Party an tling a, Holness chu a term thumna atan prime minister a ni leh dawn.

Seat 63 awmna House of Representative member tur thlannaah hian Jamaica Labour Party chuan seat 34 lain, eptu party lian ber Mark Golding-a kaihhruai People's National Party chuan seat 29 a la. Golding chuan an chak loh a pawm thu a sawi a, hemi rualin an inbeisei ang an pha lo tih a sawi bawk.

Inthlanah hian vote a tla ṭha lo hle a, vote tla hi 38.8% vel chauh a ni. Hnehna changtu party hruaitu hi prime minister a ni leh nghal dawn a, PM thar hian Parliament upper chamber-a senator 21 awm zinga 13 a ruat ang a, eptu lamin pariat an ruat ve bawk ang.

Holness kaihhruaina hnuaiah Jamaica ramah hian tharum thawhna leh inthahna thleng ṭhin a tlahniam hle a, kumina pawikhawihna thleng tlakhniamna hi 43% a ni pha a ni. Hei hi sorkarin puakthei thil kawl chungchangah khauh zawka hma a lak vang nia ngaih a ni. Tun ṭum inthlanah pawh rorellai party chuan hei hi an campaign-naah pawh an sawi chhuah nasat a ni.